Og takk, Jón Kjartan. Eitthvað grunar mig að þú kannist við þennan atburð sem Orri bloggar svo skemmtilega um:

Þannig fór ég eitt sinn í Tónabúðina og fékk lánaðan forkunnafagran gítar til að fara með í plötuupptöku. En ég spilaði aldrei á gítarinn. Stillti honum bara upp fyrir framan Birgi sem trommaði af stakri snilld.

Svo þegar ég skilaði hljóðfærinu spurði verslunarstjórinn hvernig hann hefði verið: Jú, mjög fallegur – sagði ég og bætti við að ég vissi ekkert hvort þetta væri gott eða vont hljóðfæri. Verslunarstjórinn varð eitt spurningarmerki og hristi bara hausinn.

Það var heldur ekkert slor þegar við Orri unnum að plötu Þórunnar Antoníu. Þá var tekið upp í MÍR-salnum og ég hafði glæsilega ljósmyndasýningu um geimfarann Gagarín fyrir augum.

Og í sumar tókum við upp í Akureyrarkirkju. Þá stillti ég settinu upp andspænis altarinu og góndi á steinda gluggana við hljóðfærasláttinn.

Láttu þér líða vel.