Stephan G. var ekki kristinn
án þess að vita það!

Það er ekki mannsins hærri náttúra, manndómurinn, drengskapurinn, hreinskilnin, skynsemin sem [kirkjan] treystir á [...] það eru lægri lögin í mannsandanum, eigingirnin, léttúðin, ragmennskan og hjátrúin [...] Hlýði maður ekki þessum boðskap dynja fordómarnir á þeim eða þá að hlutunum er snúið við og sagt "að maður sé kristinn án þess að vita það".

Stephan G. Stephansson

Ástæða þess að ég flagga hér þessari tilvitnun er sú að mér var að berast til eyrna að höfundur tveggja binda verks um skáldið hafi látið undan "málsmetandi aðila" og haldi því fram í seinna bindinu að skáldið hafi verið kristinn án þess að vita það.

Mér dettur enginn annar sökudólgur í hug en biskup. Hans pólitík gengur í það minnsta út á nákvæmlega þetta.

Og nú, þegar yfir hefur staðið ráðstefna þar sem menn hafa hver upp í annan þveran verið að lýsa því yfir að Stephan hefi verið kristinn án þess að vita það, og að siðferði og trú sé sama hugtakið, þá er víst að maður taki fram ritgerðaskruddur Stephans og skrifi harðorða grein á Vantrú.

Hún birtist von bráðar. Haldið ykkur fast!