Blóðregn

Ingó vinur minn var ásamt konu sinni að senda frá sér myndasögubók sem mér skilst að hafi rokið beint í efsta sæti yfir barna- og unglingabækur bæði hjá Eymundsson og M&M.

Þetta er frámunalega kúl myndasögugerð af síðasta parti Njálu. Kári sleppur brenndur úr eldinum og leitar hefnda. Týpurnar eru flottar og allt mjög nákvæmlega unnið. Og auðvitað er spennan til staðar.

Ég fékk dálítið að fylgjast með gerð sögunnar og á í pússi mínu útprent af henni áður en hún komst á litunarstigið. Það verður varðveitt áfram.