Trommunámskeið

Sökum sívaxandi eftirspurnar hef ég ákveðið að bjóða upp á trommusettsnám í vetur.

Til að byrja með er um að ræða 10 kennslustunda^* grunnnámskeið sem sniðið er að áhugasviði hvers og eins. Framhaldsnámskeið eru svo í boði að því loknu.

Þið vitið auðvitað öll að ég er í forystusveit íslenskra trommara og hef starfað með öllum þeim færustu og frægustu. Þar má nefna S.H.Draum, Bless, Sálina hans Jóns míns, Mannakorn, KK, Ragnheiði Gröndal, Megas, Bubba, Óskar Guðjónsson, Blúsmenn Andreu, Ómar Ragnarsson, Kombóið, Rabba, Orra Harðarson, Vini Dóra, Karma, Rúnar Júlíusson, Hljóma, Silfurtóna, Tómas R. Einarsson ofl. ofl. Svo hef ég kennt á trommur og slagverk við Tónlistarskóla Garðabæjar og Tónskóla Eddu Borg.

Kennslan miðast við hæfni hvers nemanda og kennsluaðferðirnar sem ég hef tamið mér skila langflestum örum framförum.

*Hver kennslustund er 45 mínútur. Kennt er einu sinni í viku, nema annars sé óskað.