Kristnar kellíngar

Á hverjum degi hef ég hlakkað til þess að fletta Fréttablaðinu og fylgjast með hinum danska Rocky. Nú er búið að taka það af manni.

Ég geri ráð fyrir að hneykslunargjarnar og fasískar kristnar kellíngar hafi ekki linnt látunum fyrr en búið var að koma honum fyrir kattarnef. Skýring Fréttablaðsins er sú að hann hafi á köflum verið full ærslafullur. Sennilegri skýring er sú að í myndasögunni hefur bæði brugðið fyrir typpum og hlandi.

Sígilt grín í Simpsons er þetta hér: „Think of the children! Somebody think of the children!“ Kristnu kellíngarnar hafa eflaust gargað eithvað þessu líkt í eyra ritstjórans á Fréttablaðinu. Það sem þær fatta hins vegar ekki er þetta: Krakkarnir þola svona lagað alveg ágætlega og hafa húmor fyrir þessu, tja, nema kannski þeir sem aldir eru upp undir verndarvæng kristnu kellínganna, þeir eru væntanlega smitaðir af ofursiðprýðismóðursýkinni. Hverjir aðrir en börn eru það t.d. sem krota typpi á öll skilti sem sýna að bannað sé að fara um með hund? Ég kemst alltaf í gott skap þegar ég sé slíkan vandalisma og skil ekkert í því af hverju bæjar- og borgarstarfsmenn eru að þrífa þetta af. Hverjum er verið að hlífa við þessu, börnunum?

Það eru lítil takmörk fyrir því hvað kristindómur getur unnið mikil skemmdarverk á annars heilbrigðu fólki. Fasísku kellíngarnar eru sjálfar lýsandi dæmi um það.

Við þær segi ég: Lúsen öpp áður en þið farið að skíta hreinum demöntum. Krafan er Rocky aftur á síður Fréttablaðsins!