Sukk?

Fyrir allnokkrum árum lá Hjálparstofnun kirkjunnar undir ámæli fyrir að bruðla með söfnunarfé handa hungruðum heimi. Pétur Sigurgeirsson og kumpánar skelltu sér t.d. til Póllands fyrir þann pening og voru fyrir bragðið kallaðir hungurmorðingjar af Helga Hóseassyni.

Í dag fletti ég Mogganum og hvað sé ég? Heilsíðuauglýsingu frá Neyðarhjálp úr norðri þar sem fólki er þakkaður stuðningurinn. Ég ætla rétt að vona að Mogginn hafi látið hjálpinni þessa síðu eftir endurgjaldslaust, því ekki vil ég sjá peninginn sem ég setti í aðstoðina enda sem auglýsingatekjur Moggans.

Þótt vel hafi safnast afsakar það ekki peningasukk.