Blindur

Gleraugun mín hrukku í sundur á nefinu á mér áðan. Ég er að reyna að líma þau saman með ofurlími en ekkert gengur.

Þetta veldur því að ég sé ekki glóru. Til að lesa á tölvuskjáinn minn þarf ég að troða fartölvunni undir hökuna. Hvernig haldið þið að það sé að skrifa texta í þeirri stellingu?

Ég er nú samt að því.

held að það þýði ekkert fyrir fólk að reyna að skrifast á við mig á MSN, það tekur svo langan tíma að koma frá sér einni setningu í þessari stellingu.

Mér líst ekki á blikuna. Á ekki fyrir nýjum gleraugum og ekki að sjá að þessum verði reddað. Best að maður fari samt með þau til fagmanns í fyrramálið og sjái hvað hann segi. Svo verður maður bara blindur, en fallegur, meðan beðið er.