Meira hlæ

Hildigunnur (sem ég hitti á förnum vegi í gær) bloggaði nýlega um tiltekna brandarategund og í kommentunum var þessi sem ég hló upphátt að (hvað er eiginlega með mig í dag?):

Öll börnin komu með vísur í skólann
nema Ási
hann kunni ekki að ríma..

En þetta minnti mig á aðra djóktegund sem var mikið í gangi fyrir svona 20 árum, hefurðu-séð orðaleikina:

• Hefurðu séð kú reka stígvél?
• Hefurðu séð mann skaða veður?
• Hefurðu séð hind berja sultu?
• Hefurðu séð fót bolta kempu?

Það góða við þessar skrítlur eru súrrealísku myndirnar sem þær draga upp í hausnum á manni og svo þjálfar það heilann að finna upp á nýjum. Ég er reyndar búinn að gleyma flestum þeim sem mér hefur dottið í hug gegnum tíðina.

Munið þið eftir fleirum, eða dettur eitthvað í kollinn á ykkur?