Ef ég væri ríkur 2: Poppminjasafn

Paradísar-Gibson Björgvins Gíslasonar var skilað til hans eftir að Hard Rock Café lagði upp laupana. Eflaust gildir það sama um aðra íslenska muni sem þangað söfnuðust. Nú ríður á að safna þessu aftur saman.

Okkur vantar almennilegt poppminjasafn. Þessir munir eiga eftir að verða ómetanlegir þegar fram líða stundir og um að gera að þeir fari ekki á flæking og endi fyrir rest í Sorpu. Þarna yrði að vera hægt að sjá allt frá gítarnöglum upp í hljómsveitarrútur. Heví-trommusett Ásgeirs Óskarssonar yrði þarna á palli og eins Þursaflokks-rótótrommusettið sem hann notar á Þursabit. Sú bassatromma sándar best allra tromma.

Og gamli kontrinn hans Þórðar ætti þarna skjól þegar Hansi væri búinn að smíða nýjan.

Ef ég ætti Björgólfskar upphæðir stæði ekki á mér að koma á fót slíku safni í stóru húsnæði. Og ég veit nákvæmlega hver ætti að vera yfirpoppminjavörður.