tag:birgir.com,2006://1 2006-09-13T11:02:06Z Heilaspuni fyrir alla Movable Type 3.31 tag:birgir.com,2006://1.20 2006-09-13T10:54:31Z 2006-09-13T11:02:06Z

„Stærsta SMS kosning í sögu símafélaganna“, segir Net-Mogginn. Ég hef aldrei skilið svona kosningasmalanir. Á þetta ekki að snúast um það hver er bestur og hæfastur? Þurfa Íslendingar alltaf að breyta öllu í íþróttir og halda með einhverju liði, burt...

Birgir Baldursson „[Stærsta SMS kosning í sögu símafélaganna](http://www.mbl.is/mm/frettir/frett.html?nid=1223437)“, segir Net-Mogginn. Ég hef aldrei skilið svona kosningasmalanir. Á þetta ekki að snúast um það hver er bestur og hæfastur? Þurfa Íslendingar alltaf að breyta öllu í íþróttir og halda með einhverju liði, burt séð frá gæðum þess? Hvernig getur nokkurn tíma verið eitthvað að marka keppnir eins og Magna-keppnina eða Júróvisjón, þegar múgur manns fer ekkert eftir smekk sínum heldur fylkir sér saman um „okkar mann“? Þetta er á svo lágu plani að sem betur fer er mér skítsama um allt klabbið. Hef hvorki fylgst með Magnanum né Evrósjón árum saman. Læt skrílnum það eftir að draga kosningar um gæði listsköpunar niður í íþróttasvaðið. Ekki það að listsköpun sé eitthvað til að keppa í til að byrja með. tag:birgir.com,2006://1.19 2006-08-27T18:30:23Z 2006-08-27T18:53:14Z

Eftir að hafa dvalið í London og Liverpool í fáeina daga fyrir skömmu er ég kominn (aftur) á þá bjargföstu skoðun að Ísland sé algerlega off....

Birgir Baldursson Eftir að hafa dvalið í London og Liverpool í fáeina daga fyrir skömmu er ég kominn (aftur) á þá bjargföstu skoðun að Ísland sé algerlega off. Í gærmorgun fór ég að kenna námskeiðið mitt í Tónsölum í Kópavogi og tók strætó til baka. Leiðarkerfið um helgar hljóðar upp á hálftíma milli vagna. Hvað er það? Ekki furða að allir vagnar séu hálftómir, jafnvel þótt þeir séu agnarlitlir. Fólk nennir ekki svona skítaþjónustu og fær sér bíl. Þegar vagninn loks kom í Smáralindina keyrði hann mig upp á skiptistöð á Kópavogshálsi og þar þurfti ég að bíða í hálftíma eftir vagninum sem tók mig heim. Halda menn að þetta sé rétta leiðin til að auka aðsóknina í almenningssamgöngur? Í London koma strætisvagnar og lestir á fárra mínútna fresti. Allt gengur greiðlega fyrir sig og stór hluti íbúa notar þessa þjónustu þar með. Ég var heppinn að híma á hlýjum ágústdegi uppá Kópavogshálsi. Hvernig verður þetta hjá eymingjans bílleysingjunum í vetur? Fökk strætó. Fökk Reykjavík, fökk Ísland. Þetta skítaþjóðfélag pínir mann fjárhagslega úr öllum hornum. Seðlabankinn setur stefnuna með einhverju stýrivaxtaógeði og bankarnir hirða svo margfaldar útlánsupphæðir sínar með verðtryggingu og vaxtapíningu. Öll vara og þjónusta hér er okrandi dýr, kostar stórar upphæðir að fá sér eitthvað einfalt og fábreytt í matinn. Á Englandi er hægt að taka leigubíl og dvejla í honum dálengi fyrir kannski 6-7 pund, en leigubíll sem maður pantar sér í Reykjavík er búinn að heimta af manni stóran hluta þeirrar upphæðar um leið og maður sest inn í hann. Hvað á þetta okur að þýða? Þegar ég flaug kvöldflugið mitt heim til Íslands og tók rútuna niður á BSÍ var komið miðnætti þegar þangað var komið. Umferðarmiðstöðin auðvitað lokuð og ekki nokkur einasti leigubíll á standinum fyrir utan. Eyðimörk. Hringja og híma eftir okurtaxa dágóðastund þar. Hægt að dunda sér við að hjálpa útlendingunum að redda sér bílum, því þeir stóðu þarna vegalausir og vissu ekkert hvað þeir áttu af sér að gera, mitt í þessari sovét-eyðimörk. Reykjavík er ljót og kaldranaleg borg. Þegar ég sat í gær fyrir utan Segafredo á Lækjartorgi, á spjalli við Gumma P, benti hann mér á byggingarnar við Hverfisgötuna og hvernig útsýnið væri eins og yfir höfnina á Raufarhöfn. Skítugt, kalt og ljótt. Off. Skítugt, kalt, ljótt, dýrt, stressað og efnahagsstjórnin komin í klærnar á glæpahringnum Alcoa. We are doomed. Ég er búinn að taka ákvörðun. Ég ætla að þrauka hérna einn vetur við kennslu og störf að tónlist, en svo er ég fluttur til Englands. Ég get ekki hafst við hérna í þessari menningarsnauðu eyðimörk þar sem allt gengur út á græðgi og blóðsugugang. tag:birgir.com,2006://1.18 2006-08-24T19:58:44Z 2006-08-24T20:14:34Z

Þegar ég kom heim frá útlöndum uppgötvaði ég, um leið og ég opnaði ísskápinn, að ég hafði óvart slökkt á fjöltenginu sem hann fær rafmagn sitt úr þegar ég fór af landinu. Í tvær vikur fengu fiskur og kjöt í...

Birgir Baldursson Þegar ég kom heim frá útlöndum uppgötvaði ég, um leið og ég opnaði ísskápinn, að ég hafði óvart slökkt á fjöltenginu sem hann fær rafmagn sitt úr þegar ég fór af landinu. Í tvær vikur fengu fiskur og kjöt í frystihólfinu að deyja drottni sínum og þetta var eins og að opna gröf. En ég er sem betur fer með stálmaga og í stað þess að æla og kúgast, þá fitjaði ég bara upp á nefnið og réðst á hinar rotnandi líkamsleifar með ruslapoka að vopni. Síðan tóku við massíf þrif á fína ísskápnum mínum, en illa gengur að losna alveg við katakombuilminn. Hann dofnar þó við hverja yfirferð. Ég væri sennilega alveg fínn í það starf að hirða upp lík sem úldnað hafa lengi. Líkskoðari, rannsóknarlögga, útfararstjóri, líkhússhjúkka, meinafræðingur... En þarna fóru ansi margar máltíðir forgörðum. tag:birgir.com,2006://1.16 2006-08-10T19:23:54Z 2006-08-10T19:26:10Z

Ég elska Ómar Ragnarsson og hugsjónabaráttu hans í umhverfismálum. Ég verð að linka í síðuna hans handa ykkur....

Birgir Baldursson Ég elska [Ómar Ragnarsson](http://birgir.com/000257.html) og hugsjónabaráttu hans í umhverfismálum. Ég verð að [linka í síðuna hans](http://www.hugmyndaflug.is/) handa ykkur. tag:birgir.com,2006://1.15 2006-08-07T17:35:16Z 2006-08-07T17:36:46Z

...áskorunina um tafarlaust vopnahlé fyrir botni Miðjarðarhafs....

Birgir Baldursson ...[áskorunina um tafarlaust vopnahlé](http://www.ceasefirecampaign.org) fyrir botni Miðjarðarhafs. tag:birgir.com,2006://1.14 2006-08-04T19:51:16Z 2006-08-04T20:11:49Z

Lagði mig í smá stund áðan og tókst að bæði sofna og vakna hlæjandi. Draumaruglið sem heilinn nær að framkalla strax þegar svefninn er að síga á getur verið algerlega drepfyndið í óskiljanleik sínum. Og maður þarf ekki annað en...

Birgir Baldursson Lagði mig í smá stund áðan og tókst að bæði sofna og vakna hlæjandi. Draumaruglið sem heilinn nær að framkalla strax þegar svefninn er að síga á getur verið algerlega drepfyndið í óskiljanleik sínum. Og maður þarf ekki annað en svífa augnablik inní dagvitundina til að fatta það. Og flissið fjarar svo út meðan skynjunin hverfur manni. [Svipuð bloggfærsla](http://birgir.com/blogg160203-280203.html#030222)]]> tag:birgir.com,2006://1.13 2006-08-04T16:31:42Z 2006-08-04T20:29:56Z

Ágætur maður spurði mig í morgun mjög mikilvægrar og erfiðrar spurningar: Heldurðu að skoðanir þínar kosti þig vinnu sem þú hefðir annars fengið? Ég hef stundum velt þessu fyrir mér. Ég get ekki sagt að ég vaði beinlínis í spiladjobbum,...

Birgir Baldursson Ágætur maður spurði mig í morgun mjög mikilvægrar og erfiðrar spurningar: >Heldurðu að skoðanir þínar kosti þig vinnu sem þú hefðir annars fengið? Ég hef stundum velt þessu fyrir mér. Ég get ekki sagt að ég vaði beinlínis í spiladjobbum, þrátt fyrir sífelldan orðaflaum manna um að ég sé sá albesti, næmasti og listrænasti og ég veit ekki hvað. Sjálfur réði þessi maður, sem spurði mig, mig í tímabundið verkefni í sumar og sagði þá sögu að þegar hann hafi nefnt mig við meðeiganda sinn hafi sá brugðist við með því að segja: >Ha, Bigga Baldurs, er hann ekki bara einhver djöfladýrkandi? Og nafn mitt kom víst upp í einhverri annarri vinnutengdri umræðu sem fyrrnefndur maður tók þátt í á dögunum. Þar var þetta tínt til: >Já, en hann er í einhverri brjálaðri krossferð gegn Þjóðkirkjunni. Það eru semsagt alveg til dæmi um það úti í þjóðfélaginu að menn veigri sér við að eiga við mig samstarf af því að þeir sjá mig fyrir einhvern rasandi trúarbrjálæðing á borð við Gunnar í Krossinum, halda kannski að ég geti ekki talað um neitt annað en trú og það í háværum predikunartón. Það sem ég hins vegar veit ekki, er það hvort þetta viðhorf sé algengt og hafi kannski gert út um það að ég eigi sæmilega velferð mögulega, sé dæmdur í basl og fátækt allt mitt auma líf. Vandinn liggur auðvitað í því að fólk áttar sig ekkert á því sem ég og félagar mínir í [Vantrú](http://www.vantru.is) erum að gera. Við erum ekki í einhverri óskiljanlegri krossferð gegn Þjóðkirkjunni. Þjóðkirkjan er aftur á móti í óskiljanlegri krossferð gegn trúleysi. Við erum aðeins viðbrögð við glórulausum málflutningi manna á borð við Karl Sigurbjörnsson og Örn Bárð Jónsson, en þessir menn hafa ásamt fleirum úr stétt presta og guðfræðinga hamast við að útmála trúleysi sem hræðilegan hlut og trúleysingja sem siðlausar, gráðugar og tómlátar verur. Og í ofanálag hefur kirkjunni tekist að koma þeirri ömurlegu ranghugmynd inn í kollinn á alþýðu manna að það sé ljótt að gagnrýna trúarskoðanir. Ótrúlega margir hlaupa upp til handa og fóta þegar þeir heyra okkur gagnrýna trú og trúarbrögð og heimta að við berum virðingu fyrir skoðunum annarra. Með því eru þeir auðvitað ekki að sýna skoðunum okkar nokkra virðingu, heldur heimta að við höldum þeim fyrir okkur. Tvískinnungurinn er alger. En svo mega allir útvarpa pólitískum skoðunum sínum og rífa niður skoðanir pólitískra andstæðinga sinna, hver sem betur getur. Það þykir bara flott og gáfulegt. En trúarskoðanir, nei, þær eru víst heilagar, hversu heimskulegar sem þær eru. Mig langar í þessu samhengi að draga fram á ný brot úr einni ræðu rithöfundarins Douglas Adams, sem ég gerði skil í [bloggi mínu fyrir löngu](http://birgir.com/blogg010803-150803.html#0308112030): >If somebody votes for a party that you don't agree with, you're free to argue about it as much as you like; everybody will have an argument but nobody feels aggrieved by it. If somebody thinks taxes should go up or down you are free to have an argument about it. But on the other hand if somebody says 'I mustn't move a light switch on a Saturday,' you say, "I respect that." >The odd thing is, even as I am saying that, I am thinking "Is there an Orthodox Jew here who is going to be offended by the fact that I just said that?" But I wouldn't have thought "Maybe there's somebody from the left wing or somebody from the right wing or somebody who subscribes to this view or the other in economics" when I was making the other points. I just think "Fine, we have different opinions." But, the moment I say something that has something to do with somebody's (I'm going to stick my neck out here and say irrational) beliefs, then we all become terribly protective and terribly defensive and say "No, we don't attack that; that's an irrational belief but no, we respect it. Trúleysingjar eru um fjórðungur þjóðarinnar, sé eitthvað að marka nýlegar kannanir. Fjórði hver maður sem þú hittir í dag er trúlaus. Samt er komið fram við okkur, sem opinberum skoðanir okkar á trúmálum, eins og [jaðarhóp brjálæðinga](http://www.vantru.is/2006/08/03/08.30/) sem ekki ber að virða viðlits. Á meðan heldur ríkið úti stétt manna [á fljúgandi launum](http://www.vantru.is/2006/08/04/08.30/), fyrir skattfé okkar allra, sem hefur það eitt að markmiði sínu að boða rugl og ranghugmyndir í bland við að flækjast fyrir allri almennilegri félags- og sálfræðiaðstoð með fúski og hindurvitnum. Meðan fólk kemur ekki auga á hvernig í málunum liggur er ekki við því að búast að orð okkar Vantrúarseggja falli í frjóa jörð. En ef hræðslan og ranghugmyndirnar um málflutning okkar eru slíkar að menn veigra sér við að ráða mann í vinnu, tja þá verður maður að fara að hugsa sinn gang. Þetta er orðið val á milli mannsæmandi lífs og áframhaldandi basls. Auðvitað ætti þetta að vera alveg öfugt. Þeir sem tala fyrir skynsemi og gegn hindurvitnum ættu í nútímalegu velferðarþjóðfélagi og njóta virðingar og álits, en þeir sem dubba sig upp í hvíta kjóla til að ákalla andaverur ættu að vera litnir hornauga eins og hverjir aðrir jaðarnöttarar. En svona er nú veruleikinn öfugsnúinn í þessu upplýsta samfélagi okkar. Ég hamast við að benda mönnum á ruglið og uppsker fyrirlitningu, fátækt og eymd, en kjólklæddu hindurvitnabullararnir aka sér í velferð á kostnað okkar allra. tag:birgir.com,2006://1.12 2006-08-01T02:53:12Z 2006-08-01T03:02:10Z

Þegar ég var fimm ára gat ég á jólunum þulið upp hvað allir höfðu fengið í jólagjöf árið áður. Minnið hjá mér var fríki og fjölskylda mín kallaði mig rafmagnsheilann....

Birgir Baldursson Þegar ég var fimm ára gat ég á jólunum þulið upp hvað allir höfðu fengið í jólagjöf árið áður. Minnið hjá mér var fríki og fjölskylda mín kallaði mig rafmagnsheilann. Ég gat munað fáránlegustu hluti með mikilli nákvæmni og var sífellt að leiðrétta aðra sem mundu hlutina vitlaust. Ég skildi ekki hvernig aðrir gátu verið svona fljótir að ruglast í endurminningunum og eftirgrennslan leiddi það alltaf í ljóst að ég hafði rétt fyrir mér. Þessi hæfileiki entist mér eitthvað fram eftir bernskunni og olli því að ég man enn stundartöfluna og [nöfnin í kladdanum](http://www.google.com/custom?q=n%F6fnin+%ED+kladdanum&cof=http%3A%2F%2Fwww.birgir.com&domains=birgir.com&sitesearch=birgir.com) þegar ég var sjö ára. En ætli þetta ofurminni hafi ekki farið að rjátlast af mér upp úr því og í dag hef ég skelfilega lélegt minni. Ég man ekki einu sinni hvað ég fékk sjálfur í jólagjöf um síðustu jól, ef það var þá eitthvað. Rámar þó í konfekt og kannski rauðvínsflösku. Þetta er hræðilegt. tag:birgir.com,2006://1.10 2006-07-28T17:52:13Z 2006-07-28T18:11:52Z

Hverjum tókst eiginlega að sannfæra allt og alla hér á Vesturlöndum um að aldrei skuli semja við hryðjuverkamenn? Sú fullyrðing er einhver sú heimskulegasta sem ég hef nokkru sinni orðið var við í málflutningi pólitíkusa....

Birgir Baldursson Hverjum tókst eiginlega að sannfæra allt og alla hér á Vesturlöndum um að aldrei skuli semja við hryðjuverkamenn? Sú fullyrðing er einhver sú heimskulegasta sem ég hef nokkru sinni orðið var við í málflutningi pólitíkusa. Sjáið til: Bandaríkin planta sér niður í einhverju landi austan MIðjarðarhafs og undiroka það. Heimamenn sjá þetta ekki sem neitt annað en innrás og hernám. Innan raða þeirra verður til andspyrnuhreyfing, þar sem föðurlandsvinir leggja á ráðin. Slíkt gerist hvarvetna og þarf ekki raunverulegt hernám til, sbr. Samtök herstöðvaandstæðinga hér heima. Bandaríkjum mætti í þessu dæmi líka alveg skipta út fyrir Þjóðverja og „heimamönnum“ fyrir Frakka, ef sögusviðið væri seinni heimstyrjöldin. Andspyrnan þjálfar upp frelsishetjur og sendir í víga- og skemmdarverkaferðir. Draumurinn er þó alltaf sá að hitta kúgarann fyrir þar sem sárast svíður. Stundum tekst það og stórir turnar hrynja til grunna. Þar með ætti að vera komið ærið tilefni fyrir kúgarann að láta segjast, bjóða mönnum að setjast að samningaborð eða hreinlega draga sig í hlé. En þá kemur þessi bjánalega hernaðartaktík, aldrei að víkja. Leiðtogar slá sjálfa sig til riddara með slíkum orðavaðli, enda sándar þetta allt saman mjög hetjulega. En um leið hljóta afleiðingarnar að verða þær einar að áframhaldandi hernaður og skærur munu kosta líf saklausra borgara í stórum stíl, fyrir nú utan eymdina alla sem eyðilegging nauðsynlegra mannvirkja hefur í för með sér. Til að sjá heimskuna í þessu nægir að taka hryðjuverkamannastimpilinn og skella honum á kúgarann sem aldrei ætlar að semja við neinn. Kúgari sem svarar gagnofbeldi með meira ofbeldi getur ekki ætlast til annars en að andstæðingurinn haldi áfram að svara með ofbeldi, því í augum andstæðingsins er kúgarinn hryðjuverkaafl, en heimamenn frelsishetjur. Og ef skilaboð kúgarans eru þau að aldrei skuli samið við hryðjuverkamenn, þá er eðlilegt að þeir sem ráðast á kúgarann haldi því áfram. Það eina gáfulega í stöðunni er að reyna að sjá báðar hliðar málsins. Það eru engir góðir og vondir kallar í spilinu, aðeins frelsishetjur og hryðjuverkamenn, hugtök sem hvorir um sig setja á sjálfa sig og andstæðinga sína. Ef menn eru tilbúnir að koma auga á sína eigin glæpi og óréttlæti, þá ætti að nást skilningur á því að það þarf að semja við hryðjuverkamennina til að ná árangri og koma á friði. Þannig skapast svo aðstæður fyrir heilbrigð viðskipti þjóða á milli. Er það ekki einmitt frí enterpræs sem Bandaríkjamenn lofa í hástert og segja lausnina á öllum hlutum? Af hverju standa þeir ekki við það þegar kemur að því að útvega sér olíu úr garði annarra þjóða? tag:birgir.com,2006://1.9 2006-07-23T15:50:47Z 2006-07-23T19:42:28Z

Tríóið Blóð samanstendur af sjálfum mér, Edda Lár og Þórði Högna. Hér er fyrsta platan okkar, tæplega 40 mínútna impró-leiðsla....

Birgir Baldursson Tríóið Blóð samanstendur af sjálfum mér, Edda Lár og Þórði Högna. [Hér](http://www.last.fm/music/Bl%C3%B3%C3%B0/_/Viva+La+R%C3%A9sistance) er fyrsta platan okkar, tæplega 40 mínútna impró-leiðsla. tag:birgir.com,2006://1.8 2006-07-23T05:36:14Z 2006-07-23T06:06:46Z

Ég hef varið nóttunni í að horfa á þættina Borgin mín á Skjánum. Þessir þættir eru varla hollir ístöðuleysingjum eins og mér, því nú engist ég og ólmast enn og aftur í þrá eftir að komast til og dvelja í...

Birgir Baldursson Ég hef varið nóttunni í að horfa á þættina [Borgin mín](http://www.skjarinn.is/skjareinn/innlendir_thaettir/thattur/store126/item938/) á Skjánum. Þessir þættir eru varla hollir ístöðuleysingjum eins og mér, því nú engist ég og ólmast enn og aftur í þrá eftir að komast til og dvelja í menningu stórþjóðanna, ef ekki bara setjast þar að. Þegar ég bjó á Kanarí fyrir nokkrum árum naut ég þess mjög að versla í stórmörkuðunum þar. Kjötborðin voru t.d. gífurlega metnaðarfull, sprenghlaðin af alls konar góðmeti. Og jógúrtkælarnir voru margir metrar að lengd, með tugum, ef ekki hundruðum tegunda. Ég var alltaf að prófa einhver ný brögð og fannst ég búa í einhverju fríkhimnaríki lífsnautnanna. Svo endaði maður aftur á Íslandi, þar sem úrvalið er jarðarberjajógúrt og jógúrt með trefjum, sama gamla gumsið með málmkennda óbragðinu. Ég dvaldi í viku á Spáni núna í sumar og fékk á ný að velta mér upp úr dásemdum stórverslana til þess eins að sjá hversu ömurlegar íslenskar matvörubúðir eru. Við kannski áttum okkur ekki á því, sökum þess hve vön við erum orðin þessu ástandi, að Ísland er í þessum efnum algjört austantjaldsland, auk þess sem okrið á þessum fátæklegu landbúnaðarvörum er allt að drepa. Hvað eiga þessi innflutningshöft og þessi landbúnaðarstefna að fyrirstilla? Af hverju er þessi afturhaldssmáflokkur Guðna Ágústssonar endalaust með landbúnaðarráðuneytið í herkví? Ég skil ekki heldur þau rök að ekki megi fllytja inn kjötvörur frá öðrum löndum. Við étum þær þegar við erum í útlöndum og ekki erum við sett í þriggja mánaða sóttkví í Hrísey þegar við komum til baka. Ef þessar vörur eru svona bráðsmitandi ættum við sjálf að vera fyrir löngu búin að höggva skörð í íslenska húsdýrastofninn, bara með ferðalögum okkar milli Íslands og hins vestræna heims. Það er ekki eins og verið sé að flytja inn lifandi dýr. Sjáið [þáttinn um Barcelona](http://www.skjarinn.is/skjareinn/innlendir_thaettir/thattur/detail/store35/item2675/) sem byrjar á ferðalagi um matvörudásemdir Katalóníu. Sjáið t.d. allar ómótstæðilegar pylsurnar sem hanga þarna, katalónskar pylsur. Af hverju er ekki hægt að bjóða upp á þetta hér? Af hverju verðum við að láta okkur nægja íslenska osta? Guðni, af hverju hefurðu af okkur dásemdir heimsins með þessari sovésku bjúrókrasíu? Í Barcelona geta menn keypt íslenskan bakkaló! Sovét-Ísland, þrjóska landið, hvenær hverfur þú? tag:birgir.com,2006://1.7 2006-07-22T19:38:33Z 2006-07-22T19:40:18Z

Enn eitt talandi dæmið um skaðsemi trúarhugmynda: Maður sem mætti til að mótmælanna með tvo unga syni sína sagðist hafa komið þar sem hann tryði biblíunni, sem segði að samkynhneigð væri synd, hann bætti við að ef samkynhneigðir fengju að...

Birgir Baldursson [Enn eitt talandi dæmið](http://www.mbl.is/mm/frettir/frett.html?nid=1213794) um skaðsemi trúarhugmynda: >Maður sem mætti til að mótmælanna með tvo unga syni sína sagðist hafa komið þar sem hann tryði biblíunni, sem segði að samkynhneigð væri synd, hann bætti við að ef samkynhneigðir fengju að hafa sínu fram ættu synir hans enga framtíð. tag:birgir.com,2006://1.6 2006-07-22T05:49:15Z 2006-07-22T06:10:44Z

Það er ekki hægt að segja að bloggið á kirkjan.is sé sérlega áhugavert. Vikulega birtast pistlar sem heita nöfnum eins og Fjórði sunnudagur eftir þrenningarhátíð, Fimmti sunnudagur eftir þrenningarhátíð o.s.frv. Allt saman er þetta eitthvað óáhugavert rant um snilld einhvers...

Birgir Baldursson Það er ekki hægt að segja að bloggið á [kirkjan.is](http://www.kirkjan.is/?frettir/2006?id=279) sé sérlega áhugavert. Vikulega birtast pistlar sem heita nöfnum eins og *Fjórði sunnudagur eftir þrenningarhátíð*, *Fimmti sunnudagur eftir þrenningarhátíð* o.s.frv. Allt saman er þetta eitthvað óáhugavert rant um snilld einhvers löngu dauðs költleiðtoga, sem búið er að gera svo heilagan að allt sem hann sagði hlýtur að vera æðislegt. Mér finnst það ekki. Ótrúleg þessi tilbeiðsla sem hugafarslegir hlekkir planta í hrekklaust fólk. Það er eitthvað mikið að. Fyrir mér er hinn dæmigerði trúleysingi sá sem vaknað hefur upp (jafnvel hrokkið upp með andfælum) frá þægilegum draumi, sér hvers lags brjálæði þetta allt saman er, en má helst ekki tala um það. Dettur í hug Matrix í þessu samhengi. Í raun lifum við í einhvers konar martröð, eins og [Julia Sweeney](http://www.juliasweeney.com/welcome.asp) lýsir því í *Letting Go of God*. Við horfum upp á samborgara okkar á valdi einhverrar undarlegrar geðbilunar, veifandi einhverri bókarskruddu fullri af ógeði, og við vitum ekkert hvernig hægt er að kippa þessu í lag. Í það minnsta duga rökræður og greinaskrif ekki hætishót. Ég veit eiginlega ekki hvort er hræðilegra, að vera einn af zombíunum eða horfa upp á þennan hrylling og sjá hann fyrir það sem hann er. tag:birgir.com,2006://1.5 2006-07-22T03:22:59Z 2006-07-22T06:12:17Z

Ég hef kynnst mörgum gítarleikurum um ævina, en Tryggvi Hübner er sá fyrsti þeirra. Þau Unnur systir mín voru bekkjarsystkyni í gaggó og þegar ég var átta ára þurfti hún einhverju sinni að passa mig og litlu systur þegar foreldrar...

Birgir Baldursson Ég hef kynnst mörgum gítarleikurum um ævina, en Tryggvi Hübner er sá fyrsti þeirra. Þau Unnur systir mín voru bekkjarsystkyni í gaggó og þegar ég var átta ára þurfti hún einhverju sinni að passa mig og litlu systur þegar foreldrar okkur brugðu sér af bæ. Og auðvitað hélt hún partí. Tryggvi og einhverjir skólabræður hans voru búnir að stofna einhverja hljómsveit og í partíið mættu sennilega allir sveitarmeðlimir og Jón Kúkur að auki. Sá var rótari bandsins, hét Jón Knútur, en var aldrei kallaður annað en þetta. Veit ekki af hverju. Tryggvi mætti með rafgítarinn og magnara og gott ef aðrir bandmeðlimir komu ekki með eitt og annað líka, tambúrínur og dót. Mér var leyft að prófa gítarinn hans Tryggva og auðvitað sleit ég strax streng. Tryggvi lagði auðvitað strengjaskiptingar í hendurnar á Jóni Kúk, eins og alvöru stjarna. Manni fannst þetta allt hrikalega spennó, ekki síst mækurinn sem tengdur var í einhvern magnararæfil. Þegar systir mín stakk upp á því að einhver syngi „Oh Darling“ með Bítlunum, bauð ég mig strax fram, án þess að þora það, því mig langaði svo mikið til að prófa að „tala í hátalarann“. Byrjaði svo að raula húsganginn „Oh My Darling“ eins og ég hafði heyrt [Huckleberry Hound](http://www.toontracker.com/huck/huck.htm) gera í Kananum, þóttist hafa misskilið hvaða lag hún átti við. Hún tók auðvitað strax af mér hinn forláta hljóðnema og einhver annar söng McCartney-slagarann við undirleik Tryggva. Seinna byrjaði Unnur systir með sterkum töffara sem hét Lúlli og var rótari hjá hljómsveitinni Cabaret. Sennilega var það árið 1975 og ég 11 ára. Lúlli bauð mér einu sinni að koma með sér í æfingapláss sveitarinnar í skúr á Kársnesbrautinni og þar fékk ég að taka í trommusett Ingólfs trommara. Ég vissi af Tryggva þarna í bandinu og ekki leið á löngu þar til ég sá bandið spila í Þinghólsskóla. Þá var Ingólfur búinn að upplýsa trommur settsins að innan með lituðum ljósaperum. Man að ég virti þetta tiltæki fyrir mér og fannst að hann hefði átt að raða litunum í trommunum upp öðruvísi. Árið eftir tók bandið mitt, Hlekkir, þátt í Hæfileikakeppni Kópavogs í Kópavogsbíói og lenti í þriðja sæti. Þar tróðu Tryggvi vog Kristján Hreinsmögur upp sem gestir. Þeir léku og sungu ljóð Kristjáns, *Sólsær* undir lagi Tryggva, en það lag endaði síðan sem hluti af lagi með Eik á *Hríslunni og Straumnum*, þar sem kassagítarleikur kappans slær allt út. Já, Tryggvi er gríðarlega fær gítaristi, en við höfum ekki spilað mikið saman þrátt fyrir þessi löngu viðkynni. Reyndar hefur varla það ár liðið síðustu 10 - 15 ár að við höfum ekki mætt til leiks ásamt Blúsboltunum uppi á Akranesi, daginn fyrir áramót. Það band spilar bara einu sinni á ári. Reyndar stefndi í að við Tryggvi hæfum öflugt samstarf núna í vor, þegar við lentum saman í hljómsveit með Geira Sæm. Þessi ballhljómsveit náði þó aðeins að leika eina helgi á Kringlukránni, en allt útlit er þó fyrir að hún taki upp þráðinn í haust. Ég vona það að minnsta kosti. Ég fíla nebblega ákaflega vel að spila með Tryggva. tag:birgir.com,2006://1.4 2006-07-20T19:31:03Z 2006-07-21T15:02:13Z

Mæli með tæpitunguleysi greinanna hjá Leó M. Jónssyni. Svo eru þarna fróðlegar greinar sem eyða fordómum okkar almennings, t.d. í garð forstjóravörubílanna....

Birgir Baldursson Mæli með tæpitunguleysi [greinanna hjá Leó M. Jónssyni](http://www.leoemm.com/umraeduh.htm). Svo eru þarna fróðlegar greinar sem eyða fordómum okkar almennings, t.d. í garð [forstjóravörubílanna](http://www.leoemm.com/pallbilaeydsla.htm).