Delivered-To: birgir.com-birgir@birgir.com
From: krossinn@skima.is
To: birgir@birgir.com
Subject: Re: Áskorun
Date: Mon, 10 Feb 2003 15:34:42 -0000
X-Mailer: Microsoft Outlook Express 5.50.4522.1200
Þú skalt ekki freista Drottins Guðs þíns.
Opnaðu hjarta þitt fyrir Guði og gakktu á vegi sannleikans og Guð mun gefa
þér sinn frið.
Gunnar
---
Date : Mon Feb 10 15:41:52 2003
From : birgir@birgir.com
To : krossinn@skima.is
Subject : Re: Áskorun
Kæri Gunnar!
Þetta var ömurlega lélegt svar hjá þér og gersamlega ómálefnalegt.
Hefurðu engin önnur svör en þetta undanskot?
Það ætti að vera ykkur sjálfum í hag að látið sé reyna á hæfileika
Ndifon. Og hver ætti að vera betur til þess fallinn að sýna fram á
mátt trúarinnar yfir ólæknandi sjúkdómum en þú, höfuð safnaðarins sem
boðar bullið til að byrja með? Eða ertu kannski ekki nógu sterkur í
trúnni?
Gunnar, ég bý að ágætum innri friði, takk fyrir, og þarf enga
yfirnáttúru til að viðhalda honum. Það eina sem pirrar mig öðru
hverju er réttlætiskenndin, t.d. þegar lygarar og glæpamenn gera það
að lifibrauði sínu að hagnast á neyð náungans, fylla hugi
sakleysingja af heimskulegri þvælu og ræna þá sjálfstæðri hugsun
sinni.
Ég fer fram á að þú svarir mér aftur og nú með eigin orðum. Sýndu nú
að það bærist sjálfstæð hugsun með þér, að þú sért ekki bara
endurómur þeirra lygakenninga sem þú aðhyllist.
Áskil mér rétt til að birta öll svör þín á opinberum vettvangi ef því
er að skipta, því svo mikið finnst mér vera hér í húfi.
BB.
---
Delivered-To: birgir.com-birgir@birgir.com
From: krossinn@skima.is
To: birgir@birgir.com
Subject: Re: Áskorun
Date: Mon, 10 Feb 2003 16:14:18 -0000
X-Mailer: Microsoft Outlook Express 5.50.4522.1200
Birgir,
Hér er svar þitt:
Markúsarguðspjall 16:17-18
-17- En þessi tákn munu fylgja þeim, er trúa: Í mínu nafni munu þeir reka út
illa anda, tala nýjum tungum, -18- taka upp höggorma, og þó að þeir drekki
eitthvað banvænt, mun þeim ekki verða meint af. Yfir sjúka munu þeir leggja
hendur, og þeir verða heilir.
Guð blessi þig,
Gunnar
---
Date : Mon Feb 10 16:20:27 2003
From : birgir@birgir.com
To : krossinn@skima.is
Subject : Markúsarbullspjall
Kæri Gunnar!
Núnú, það var eins og mig grunaði, þú átt engin sjálfstæð svör.
Áttarðu þig á því að hann Markús þinn hefur barasta enga lögsögu yfir
huga mínum? Ég leyfi mér fullum fetum að halda því fram að það sem
þarna stendur sé argasta bull, þar til annað kemur í ljós.
Ef þú vilt sannfæra mig um að þetta sé ekki bull, þá taktu upp
eitraðan snák, eða sprautaðu þig með lifrarbólgu C til að geta
læknast fyrir trú þína.* Það er allt sem þú þarft að gera til að ég
kaupi hugmyndakerfið þitt. Að öðrum kosti ber að afgreiða
fullyrðingar ykkar Ndifon og Markúsar sem hverja aðra þvælu sem ekki
á sér neina stoð í raunveruleikanum.
Hefurðu áhuga á að bjarga sálu minni eða ekki? Það eina sem ég bið um
eru sannanir fyrir afkáralegum fullyrðingum ykkar Ndifon.
Svo bíð ég enn eftir að sjá bærast með þér sjálfstæða hugsun, en
kannski það sé borin von.
Bestu kveðjur,
BB
---
(Engin frekari svör hafa borist frá Gunnari. Þau verða sett
hér inn um leið og þau berast)
________
* Í sjálfu skeytinu stóð "læknast af trú þinni", en það er að sjálfsögðu ekki það sem ég átti við.